Un choque entre dous coches en Sandiás (Ourense) sáldase con tres feridos

Unha colisión entre dous coches rexistrada este venres en Sandiás (Ourense) saldouse con tres persoas feridas.

Segundo informa o 112, unha das vítimas tivo que ser liberada polos bombeiros de Xinzo, que cortaron unha porta dun dos turismos accidentados para que a persona ferida puidese saír do vehículo.

O sinistro ocorreu na OU-531, á altura da parroquia de Couso de Limia, ao fío das 12,15 horas.

Foi o 061 o que alertou ao 112 Galicia do accidente. Acto seguido, o persoal do 112 Galicia pasaba o aviso aos bombeiros de Xinzo, á Garda Civil de Tráfico e a Protección Civil.

Finalmente, as tres persoas feridas no accidente foron trasladadas a un centro médico polos efectivos sanitarios.