Catro persoas feridas leves nun accidente múltiple en Santiago que causou retencións

Catro persoas resultaron feridas leves na mañá deste martes nun accidente de circulación con varios vehículos implicados e que causou importantes retencións.

Segundo a información do CIAE Galicia-112, o suceso ocorreu pouco antes das 8,00 horas na AG-56, á altura de Laraño, onde chocaron cinco vehículos.

Até a zona desprazáronse efectivos dos Bombeiros, Protección Civil e Garda Civil, así como persoal sanitario do 061, que asistiu a catro vítimas. Debido á hora, o suceso causou importantes retencións na AG-56 no acceso a Compostela.