A CEG anunciará en "breve prazo" unha data "de consenso" para elixir a súa presidencia

Celebrará asemblea xeral ordinaria o 29 de novembro para a aprobación das contas anuais de 2017.

Por E.P. | SANTIAGO DE COMPOSTELA | 08/11/2018 | Actualizada ás 17:09

Comparte esta noticia

Diso informa a patronal galega a través dun comunicado de prensa emitido este xoves despois do comité executivo, que acordou que a xunta de vicepresidentes --o órgano que dirixe a institución ante a vacante na presidencia-- convocará "en breve" á xunta directiva para establecer a dita data.

Presidentes da CEG en reunión. CEG - Archivo
Presidentes da CEG en reunión. CEG - Archivo

Ademais, o comité executivo decidiu a celebración da asemblea xeral ordinaria o próximo día 29 de novembro para a aprobación das contas anuais de 2017. Algúns representantes da organización como o de Lugo, Jaime López, considera que é o momento de convocar comicios e así o expuxo no encontro.

Pola súa banda, o responsable dos empresarios de Pontevedra, Jorge Cebreiros, advirte de que a comisión de estatutos "acaba de finalizar o traballo" para reformalos, cun borrador "con gran consenso e diferenzas pequenas" no que aposta por avanzar antes da convocatoria electoral.

CRISE DA CEG

O último presidente da CEG foi Antón Arias, quen no seu adeus ante os xornalistas dixo que esperaba que a súa decisión servise como un revulsivo á organización, a modo de "catarse", para que os seus integrantes reflexionasen e pensasen "máis nos intereses do conxunto que en intereses persoais".

E é que as tensións internas na CEG arrástranse desde a época de José Manuel Fernández Alvariño, que substituíu a Antonio Fontenla (presidente aínda na provincia da Coruña) en 2013. Críticos coa súa xestión bloquearon as súas apenas dous anos de goberno, ao atribuírlle supostas irregularidades nos gastos da confederación.

A el deulle a substitución Antonio Dieter Moure, que se alzou na presidencia da CEG por 10 votos fronte ao seu rival, o tamén ourensán José Manuel Pérez Canle (á fronte da organización en Ourense). Moure estivo menos dun ano no cargo e, aínda que alegou motivos persoais, os problemas no seo da patronal foron clave na súa saída.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Volvo

Por ideais non están. Para melhorar o país e cousas polo estilo. Sabemos que iso non é así. Para iso estamos uns poucos que máis que ganar cartos o que facemos cos nosos ideais e perdelos. Tanto nos ten. O facemos porque pensamos que é o melhor para o país. Pero sabemos que eles nin foron nin son así. Logo o que nos queda é o que xa sabiamos todos. Que ten que haber cartos e poder pola CEG. Poden ganar cartos, ter máis poder, pero que non procuren o carinho da xente. A xente estará onda eles por interese. Non por outra cousa. É o que temos nós. Os que están onda nós sabemos porque é. Eles saben o que hai.