Por Europa Press / Redacción | SANTIAGO DE COMPOSTELA | 04/12/2018 | Actualizada ás 13:10
A Policía Nacional de Lugo investiga outra suposta agresión sexual a unha moza na madrugada do domingo ao luns despois de denunciar unha posible "perda de consciencia" desde as 5,00 horas ás 13,30 horas do luns.
Segundo a versión da muller, que trata de corroborar a Policía de Lugo segundo fontes da investigación, estaba cuns amigos e coñecidos nun pub da rúa Tui, unha zona de ambiente latino na capital lucense. A moza relatou que, sobre as 5,00 horas (na madrugada do domingo ao luns), perdeu a consciencia e non a recuperou até o día seguinte, cando apareceu nun coche "cun coñecido e outra persoa".
A moza asegura que seguiu con eles até as 18,00 horas, aínda que ante a Policía declarou que "non sabe o que pasou". Segundo manifestou chegou ao domicilio que comparte coa súa parella e aí comprobou que "non levaba bragas".
As mesmas fontes policiais sinalaron que a moza deu "bastante" taxa de alcol nas probas realizadas, ademais doutras substancias estupefacientes.
A Policía Nacional segue coa investigación para esclarecer se neste caso se produciu un delito de abusos ou agresión sexual.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.