Buscan a un mozo na lagoa de Pedras Miúdas, en Catoira

Un operativo de emerxencias trata de localizar a un mozo que se lanzou a nadar este xoves na lagoa de Pedras Miúdas, en Catoira e non volveu emerxer.

Segundo informou o CIAE 112 Galicia, ás 18,30 horas deste xoves un amigo contactou para avisar de que o mozo levaba máis de dous minutos debaixo da auga sen dar sinais.

Conforme sinala o 112, o mozo dixo que "era practicamente imposible que saíse por outra zona e insistía en que seguía dentro da lagoa".

Con esta información, o CIAE solicitou a intervención dos Bombeiros do Salnés (con equipo acuático), mienbros do GES de Padrón, Protección Civil de Catoira e axentes da Garda Civil. Ademais, alertouse a Urxencias Sanitarias de Galicia-061.

Á súa chegada ao lugar dos feitos, os axentes confirmaron que seguía mergullado e que, debido á profundidade da lagoa (aproximadamente 30 metros), debían reorganizarse para realizar outro tipo de rescate.

Por iso é polo que se sumou ao operativo un equipo do Servizo de Gardacostas de Galicia. Ademais, non se descartan máis medios especializados.

Mergulladores do grupo GEAS da Garda Civil buscando un desaparecido nun río en imaxe de arquivo | Fonte: Guardia Civil