Cobre San Rafael asegura que o seu proxecto "garante a subministración de auga" en Touro e O Pino
Segundo a empresa mineira, os estudos técnicos expostos garante a subministración de auga "con prioridade ao con respecto a actividade industrial".
Por Europa Press / Redacción | SANTIAGO DE COMPOSTELA | 03/01/2019 | Actualizada ás 19:05
A empresa que pretende extraer cobre nos municipios coruñeses de Touro e O Pino asegura que o seu proxecto "garante a subministración de auga" e nega que se vaia a deixar sen abastecemento a veciños.
En resposta ao BNG, a compañía, Cobre San Rafael, nega "taxativamente" que o seu proxecto "contemple a posibilidade de deixar sen abastecemento de auga a veciños".
"Os proxectos e estudos técnicos expostos (...) non só garanten a subministración de auga ao municipio de forma compatible e con prioridade con respecto á actividade industrial, senón que melloran os problemas de abastecemento que, puntualmente, sofren algúns veciños de ambos os concellos en cantidade e calidade", destaca.
A execución do proxecto supón, segundo subliña, "unha oportunidade de mellora na infraestrutura e a subministración de auga potable da zona".
