Á espera da grande onda de frío polar
Os termómetros rexistraron -4,7 graos na localidade ourensá de Verín na mañá deste xoves, moi por debaixo das mínimas dos últimos días. Nas noites do venres e o sábado, poderanse alcanzar os -7 en Lugo e Ourense
Por Europa Press / Redacción | SANTIAGO DE COMPOSTELA | 10/01/2019 | Actualizada ás 10:15
Segundo os rexistros de Meteogalicia ata as 9.30 horas en localidades con altitude menor de 900 metros, recollidos por Europa Press, ás 9.10 horas rexistrouse a mínima en Verín, con -4,7 ºC, e ás 9.30 horas, -4,6 ºC en Calvos de Randín (Ourense).
Tamén na provincia de Ourense na mañá deste xoves rexistráronse valores mínimos negativos significativos como os -4,3 ºC en Viana do Bolo ás 8.10 horas e os -4,2 ºC en Leiro ás 8.30 horas.
Mentres, na provincia de Lugo os termómetros baixaron ata os -3,9 ºC en Sarria ás 8.00 horas. O mércores a mínima de Galicia correspondeu a Calvos de Randín, con -7,6 ºC.
Pola súa banda, en localidades con altitude maior de 900 metros a mínima ata as 9.30 horas deste xoves correspondeu á Veiga (Ourense), con -4,4 ºC ás 8,50 horas; mentres que a localidade da montaña de Lugo Pedrafita do Cebreiro rexistrou -4,3 ºC ás 7.00 horas.
Tamén noutros puntos da montaña ourensá rexistráronse valores mínimos significativos como os -3,8 ºC na Mezquita ás 8.10 horas e os -3 ºC en Vilariño de Conso ás 4.40 horas.
As indicacións para os próximos días indican que se poderán alcanzar os -5 e -7 graos en zonas de Ourense e Lugo nas noites do venres e o sábado, malia que esta onda de frío polar afectará con maior intensidade outros puntos do norte de España.
