A Xunta pide "preocupación real" do Goberno sobre a ría de Pontevedra

A Xunta de Galicia respondeu ao delegado do Goberno, Javier Losada, afirmando que pediu ao Executivo central de que se implique" se "ten unha preocupación real" pola ría de Pontevedra.

Deste xeito, demandou a todas as administracións que demostren "responsabilidade" para afrontar o saneamento da ría de Pontevedra e garantir a boa calidade das augas.

O Goberno galego sinalou a necesidade de comezar con "urxencia" as actuacións planificadas para sanear a ría, e recordou que as súas augas se atopan en serio risco polas deficiencias do sistema de saneamento".

Desta forma, a través dun comunicado de prensa, a Xunta replicou a Losada, ao que recordou que o Executivo autonómico nos últimos anos "traballou intensamente na realización dun estudo en profundidade da ría". Ademais, definiu como "lamentable" o feito de que Losada "descoñeza a existencia dese traballo inxente".

Nesta liña, recordou que o estudo se iniciou en 2015 e que "identificaba os problemas e propuña solucións recollidas no plan de saneamento", ademais de sinalar "as deficiencias na rede de saneamento, de competencia municipal".

Por iso, a Xunta destacou que "é preciso que os concellos solucionen esas deficiencias e carencias", e fixo fincapé en que Augas de Galicia "está a traballar para acometer as actuacións da súa responsabilidade", que comezarán "coa construción dun novo emisario submariño e a reforma da actual depuradora de Praceres".

Para rematar, o Goberno galego dirixiuse ao estatal para instarlle a que "se ten unha preocupación real pola ría, que se implique directamente no asunto", e insistiu en que "a necesidade de sanear a ría é urxente" e que, polo tanto, "debería preocupar ao Goberno central e aos seus representantes na comunidade".