Verín, o conxelador de Galicia: 8 graos baixo cero

Galicia volveu a rexistrar unha noite fría con xeadas xeneralizadas no interior, onde os termómetros chegaron a marcar até 8 graos baixo cero, en concreto en Verín (Ourense).

Tamén na provincia ourensá, en Baltar, as mínimas chegaron a 6 graos baixo cero, e a 5 baixo cero estiveron na Serra do Invernadoiro, de acordo cos datos de Meteogalicia.

Este sábado Meteogalicia espera que a masa de aire frío comece a retirarse e nos próximos días as temperaturas irán ascendendo, de acordo coa súa predición.