Pontevedra terá este sábado aviso amarelo por choivas que deixarán máis de 40 l/m2 en 12 horas

Parte da provincia de Pontevedra terá este sábado, 19 de xaneiro, aviso amarelo por choivas que deixarán máis de 40 litros por metro cadrado en 12 horas.

Segundo o Boletín de tempo meteorolóxico publicado por Meteogalicia, recollido por Europa Press, unha fronte moi activa deixará choivas, que serán máis cuantiosas no interior da provincia de Pontevedra e no Baixo Miño.

Así, entre as 3,00 e as 18,00 horas deste sábado o aviso será amarelo en ambas as zonas por choivas que poden acumular máis de 40 litros por metro cadrado en 12 horas.