Por E.P. | A CORUÑA | 22/01/2019 | Actualizada ás 19:00
O Concello da Coruña abrirá de "forma inminente" o período de exposición pública do anteproxecto de renovación da planta de tratamento de residuos de Nostián, segundo informa o goberno local. En concreto, o prazo comezará a contar a partir da súa publicación no Boletín Oficial da Provincia (BOP), "o que previsiblemente ocorrerá esta semana", apunta.
Con esta actuación, asegura que se busca "aumentar a sustentabilidade ambiental, económica e social da planta". Durante un mes, sectores e axentes implicados do tratamento de residuos poderán realizar as súas achegas.
O obxectivo é que os trámites de licitación da concesión para a xestión da instalación poidan iniciarse na primeira metade do ano, apunta a Concellaría de Medio Ambiente. Para tratar esta cuestión, o seu responsable, María García, mantivo este martes unha reunión co comité de empresa da planta "co que o goberno local traballará de forma conxunta pra elaborar unhas cláusulas sociais e económicas que garantan a estabilidade laboral", sinala.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.