David Perdomo, Luis Zahera e Oswaldo Digón, embaixadores da retranca

Por primeira vez xuntos nun mesmo escenario. Luis Zahera, Oswaldo Digón e David Perdomo serán os embaixadores da retranca nun espectáculo de case dúas horas de humor.

Afundación, a Obra Social de Abanca, albergará en Pontevedra o espectáculo de humor Noites de retranca no que estarán os tres cómicos. Será o vindeiro 8 de febreiro, a partir das 21.00 h no Auditorio da Sede Afundación de Pontevedra. As entradas están dispoñibles na web Ataquilla.com.