A muller de Romeva e Otegi no primeiro gran acto da coalición de ERC, Bildu e BNG en Bilbao

No acto estivo a ctual eurodeputada, Ana Miranda, xunto con Bieito Lobeira e Rubén Cela.

Por Europa Press / Redacción | BILBAO | 01/02/2019 | Actualizada ás 14:57

Comparte esta noticia

Diana Riba, o número dous da candidatura de ERC ás eleccións europeas e esposa do exconseller encarcerado Raül Romeva, presentou este venres en Bilbao a coalición 'Agora Repúblicas', na que concorrerá ERC ás eleccións europeas baixo a mesma marca de Bildu e BNG.

Riba afirmou que ERC, EH Bildu e BNG son "proxectos políticos que defenden a liberdade e a democracia ante a regresión autoritaria que se vive no Estado e en Europa". "Somos tres forzas que cren na política da paz, o diálogo, o acordo e a cooperación como única posibilidade de construír espazo onde os pobos poidan prosperar", argumentou .

"A paz e a cooperación son inherentes aos nosos proxectos políticos e os nosos esforzos, dentro e fóra das nosas fronteiras", engadiu Riba. Bilbao acolleu o primeiro acto público en Euskadi da coalición 'Agora Repúblicas' (Ara Repúbliques, Orain Errepublikak ou Agora Repúblicas, en catalán, eúscaro e galego), que estará encabezada polo exvicepresident da Generalitat, Oriol Junqueras, na actualidade en prisión preventiva.

Na comparecencia celebrada en Bilbao, estiveron presentes o coordinador xeral de EH Bildu, Arnaldo Otegi, acompañado do candidato Josu Juaristi, a deputada Marian Beitialarrangoitia, e Gorka Ejejabarrieta; por ERC, Diana Riba e Jordi Solé, mentres que, en representación do BNG, participaron a súa candidata e actual eurodeputada, Ana Miranda, xunto con Bieito Lobeira e Rubén Cela.

Segundo explicou, a coalición interpela a todos os demócratas preocupados pola grave involución democrática da sociedade", apuntan que esa a razón pola que pretenden que a súa "voz sexa escoitada aínda de forma máis clara no ámbito internacional". "Hoxe, desgraciadamente e como todos saben, o número uno desta candidatura, o presidente de ERC, Oriol Junqueras, non pode estar aquí. Oriol e o resto de presos políticos cataláns agora mesmo están a ser trasladados aos cárceres españois, de Soto do real e de Alcalá Meco. E nos próximos días serán xulgados por rebelión contra o Estado", subliñou.

"ROMPE ESPAÑA QUEN NON RECOÑECE O ESTADO PLURINACIONAL"

Riba lembrou que o seu marido, así como Junqueras e o resto de presos independentistas cataláns están a ser trasladados este venres a Madrid para o xuízo por presunta rebelión, que comezará o 12 de febreiro, e asegurou que, "quen rompe España é quen non recoñece o Estado máis plurinacional de Europa e o dereito a decidir dos seus pobos".

A candidata de ERC subliñou que "o fascismo, de novo, propón o rexeitamento e a exclusión de sectores sociais, de restrición de dereitos, de estigmatización da diferenza e a agresividade contra os adversarios políticos".

A esposa de Raül Romeva participa no primeiro acto público da coalición Aho. EH BILDU
A esposa de Raül Romeva participa no primeiro acto público da coalición Aho. EH BILDU | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 4 comentarios

1 Gamela

Os votos dos galegos para que Oriol Junqueras sente 5 anos en Bruxelas ? Hai anos que Galeuscat regalou un posto de europarlamentario a Ignasi Guardans (CIU) logo fíxose famoso por negarse a quitarse os zapatos no areoporto do Prat (el era un Guardans, por favor, a súa familia tiña Oratorio Privado na basílica de Montserrat!) // Nesta última lexislatura Josu Juaristi sentou 4 anos e Ana Miranda 1 aniño...!!! Desta volta como moito serán Asistentes do Numbre One (e punto pelota!) // O BNG non aprende !!!

1 Alpinista

Gamela, recita conmigo: "Me gusta Manuela Carmena, me gusta Operación Chamartín, me gusta BBVA y San José. Más Madrid, más Podemos, igual corrupción. Somos sistema, somos casta, estamos felices y comemos perdices".

2 Pesao

Gamela, cando pos o spam de que estás a tope con carmena e con trump. O dia que o BNG siga algún consello que das, bórrome. Podes escribir o que che pete, faltaba mais, e nós poderemos mandarche a pastar porque non nos interesan a túas opinións.

3 Gamela

Alpinista, recita conmigo, os cataláns roubaronnos o patrimonio galego da Orde dos Misioneiros Pobres e aínda así os premiamos votando a Junqueras !!! https://flic.kr/p/RboG8y Copia dez veces e logo di quen é máis pailán neso de Tragar coa Corrupción !!!