Localizada sa e salva a muller de 85 anos con alzhéimer desaparecida en Avión
Felicita Estévez Domínguez permanecía en paradoiro descoñecido desde o pasado domingo.
Por Europa Press / Redacción | SANTIAGO DE COMPOSTELA | 04/02/2019 | Actualizada ás 17:00
A Garda Civil do Carballiño (Ourense) localizou á muller de 85 anos Felicita Estévez Domínguez que permanecía en paradoiro descoñecido desde o pasado domingo, 3 de febreiro.
O grupo de emerxencia supramunicipal (GES) de Avión informara na mañá deste luns da desaparición da anciá no lugar de Baresmo, municipio de Avión (Ourense).
Segundo sinalaron fontes da Benemérita, a señora, orixinaria de Albarellos —parroquia do concello ourensán de Monterrei— padece a enfermidade de Alzheimer.
A octoxenaria estaba desorientada e foi atopada ao mediodía xunto ao encoro de Albarellos e trasladada en ambulancia a un centro de saúde para comprobar o seu estado de saúde tras pasar a noite fóra de casa.
