Por E.P. | SANTIAGO DE COMPOSTELA | 19/02/2019 | Actualizada ás 15:07
O alcalde de Santiago, Martiño Noriega, censurou que o candidato socialista para as municipais, Xosé Sánchez Bugallo, "recete parálise" para a cidade despois de que o ex rexedor solicitase a suspensión do proxecto de acceso á intermodal de Santiago pola rúa Clara Campoamor. Sobre isto, Martiño Noriega criticouno por "compartir" coordenadas co PP ao coincidir en opinión con membros da Xunta.
Noriega criticou que Bugallo acuse o goberno municipal de "paralizar" a cidade e, ao mesmo tempo, "recete maior parálise" coa oposición do seu grupo político aos orzamentos municipais deste ano, a reclamación de suspender a tramitación do Plan Especial do Centro histórico e a paralización do proxecto de accesos á intermodal.
Así, tras afirmar que o ex rexeidor compostelán practica "a homeopatía do público", afeou a Bugallo que "comparta coordenadas" co Partido Popular e a conselleira de Infraestruturas, Ethel Vázquez, quen o pasado luns dixo compartir "totalmente" as críticas realizadas polo candidato socialista ao proxecto de reurbanización da citada rúa.
"Non sei se Agustín Hernández (PP) terá hoxe un ataque de celos", ironizou Noriega, quen censura que Sánchez Bugallo se aliñe co discurso da "conselleira máis desleal cara á cidade".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.