Detido por empurrar a un policía e tentar fuxir para non facer o test de alcoholemia
O home, de 32 anos, conducía con evidentes síntomas de ter consumido bebidas alcolicas.
Por E.P. | SANTIAGO DE COMPOSTELA | 21/02/2019 | Actualizada ás 09:25
A Policía Local de Lugo detivo a un veciño do municipio tras empurrar a un axente ao tratar de abandonar o lugar para non facer a proba de alcoholemia a pesar de presentar signos de conducir baixo os efectos de bebidas alcohólicas.
Segundo informou a Policía Local, na noite do mércores 20 de febreiro foi detido R.F.C.V., veciño de Lugo de 32 anos, por delitos contra a seguridade viaria, resistencia, desobediencia e atentado contra axentes da autoridade.
Sobre as 2,00 horas o axentes observaron ao vehículo con matrícula 6799CKG que circulaba "de maneira anormal, dando aceleróns, en zigzaqueos e freadas" polo Carril das Hortas, segundo o relato policial.
Ao chegar á intersección con Rúa Paxariños o vehículo virou á dereita e detívose no semáforo situado na intersección con San Roque, a pesar de que este se atopaba en luz verde para vehículos.
Por iso, os axentes baixáronse do vehículo policial para interesarse polo condutor e comprobaron que presentaba "evidentes signos de atoparse baixo os efectos de bebidas alcohólicas".
Así, convidarono a someterse á proba de alcoholemia, ao que se negou "de forma tallante" e tentou "abandonar o lugar non sen antes dar un empuxón a un dos axentes", indicou a Policía Local.
Tras iso, o individuo foi suxeitado por un brazo, momento no que comezou a "realizar espaventos, impactando aos policías en repetidas ocasións", resaltaron as mesmas fontes, que indicaron que tivo que ser reducido e introducido pola forza no vehículo policial.
