Por Europa Press / Redacción | SANTIAGO DE COMPOSTELA | 21/02/2019 | Actualizada ás 16:39
A Xunta prepara unha lei que, entre outras cuestións, obrigará aos restaurantes galegos a entregar as sobras aos clientes en envases que non conteñan plástico e que, preferiblemente, deberán ser reutilizables.
Esta é unha das principais medidas do anteproxecto da Lei galega de residuos e chans contaminados, que iniciou este xoves a súa tramitación co visto e prace do Consello da Xunta.
En rolda de prensa posterior á reunión do seu goberno, o presidente autonómico, Alberto Núñez Feijóo, destacou que a nova normativa --que a Xunta prevé levar ao Parlamento no último trimestre do ano-- "incidirá na prevención, reutilización e loita contra o desperdicio alimentario e os plásticos".
Así, ademais da medida que obrigará aos restaurantes a entregar as sobras dos menús aos clientes, o anteproxecto contempla adiantar a 2020 a prohibición en Galicia da comercialización de vaixelas de plástico, reducir nun 30% os residuos alimentarios no ano 2025 e incrementar o uso de envases reutilizables.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.