A Xunta quere poñer fin ao papel e dixitalizar todas as súas relacións cos cidadáns

Os galegos terán un "cartafol" dixital no que figurarán todas as súas relacións coa administración. A pesar de apostar pola "dixitalización", a Xunta segue dando millóns de euros aos xornais polas súas versións en papel.

Por Europa Press / Redacción | Compostela | 21/03/2019 | Actualizada ás 14:58

Comparte esta noticia

O Consello da Xunta deu luz verde ao comezo da tramitación parlamentaria da lei para a dixitalización da administración galega, coa que pretende converter "en residual" o uso do papel para a xestión de trámites administrativos a través da creación dunha plataforma "única" que estará dispoñible "as 24 horas do día os 365 días do ano".

Así o explicou o presidente galego, Alberto Núñez Feijóo, na rolda de prensa posterior á reunión do seu executivo celebrada este xoves e que autorizou o inicio do camiño para que a nova lei chegue ao Parlamento de Galicia.

O proceso de dixitalización da administración autonómica levará a cabo a través dunha normativa que inclúe a creación da figura do "funcionario habilitado", que terá a potestade para "realizar trámites telemáticos" en nome dun cidadán que así o solicite.

Ademais, os galegos disporán dun "cartafol" nos arquivos da administración pública na que figurarán "todas as súas relacións" coa Xunta a semellanza da historia clínica que cada paciente ten no Sergas.

AV.- Consello.-Os galegos terán un 'cartafol' dixital na que figurarán to. XUNTA
AV.- Consello.-Os galegos terán un 'cartafol' dixital na que figurarán to. XUNTA | Fonte: Europa Press

Esta medida contrasta cos millóns de euros que a Xunta dálle aos grandes medios de comunicación por manter vivas as súas edicións en papel. E iso, a pesar de que o propio presidente da Xunta recoñecía este xoves, que a era do papel está tocando ao seu fin.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta