Por X.M. Fernández | Vilamartín de Valdeorras | 31/03/2019 | Actualizada ás 19:00
A formación impartida por un equipo técnico deste organismo, que tivo lugar no Centro de Referencia Nacional de Formación Profesional do Servizo Público de Emprego de Salamanca, tiña como principais obxectivos dar a coñecer as calidades organolécticas dos viños valdeorreses, as variedades de uva presentes na zona ademais da historia e valores diferenciais do territorio amparado pola Denominación de Orixe Valdeorras.
Os técnicos do Consello Regulador foron convidados por este organismo de referencia no noroeste peninsular e aproveitaron a ocasión para achegar un anaco da idiosincrasia dos viños valdeorreses aos alumnos/as do curso. En palabras do Presidente, José Luis García Pando, “as actividades de formación son practicamente tan importantes para nós como as de promoción, posto que nos axudan a divulgar entre públicos especializados os valores singulares dos nosos viños”.
Que representa un Centro de Referencia Nacional?
Os Centros de Referencia Nacional (CRN) son centros públicos de innovación e experimentación en materia de Formación Profesional. Teñen un carácter sectorial e emprázanse nas Comunidades Autónomas. Tanto polas instalacións como pola traxectoria, labor de investigación e formación que imparten son considerados organismos ‘de excelencia’.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.