O servizo de bombeiros da Coruña introduce un sistema de comunicacións dixital para mellorar a seguridade
O equipo incorpora tamén o sistema de "persoa caída" polo que un terminal pode lanzar de maneira automática un sinal de emerxencia aos demais terminais cando unha persoa leva tempo sen moverse.
Por E.P. | A CORUÑA | 02/04/2019 | Actualizada ás 18:38
O servizo de bombeiros da Coruña renovou os seus sistemas de comunicación, que pasan a ser dixitais, o que supón "un aumento nas funcionalidades e na seguridade do cadro de persoal". Diso informou o Consistorio coincidindo coa visita ás instalacións da concelleira responsble de Seguridade Cidadá, Rocío Fraga.
Sobre o sistema, destaca que permitirá "comunicacións máis estables e intelixibles durante as operacións". Ademais, incorpora a posición xeográfica de todos os equipos, o que permitirá saber onde están vehículos e persoal. O equipo incorpora tamén o sistema de "persoa caída" polo que un terminal pode lanzar de maneira automática un sinal de emerxencia aos demais terminais cando unha persoa leva tempo sen moverse.
