Por Europa Press / Redacción | OURENSE | 03/04/2019 | Actualizada ás 11:02
Garda Civil de Vilar de Barrio (Ourense) tomou declaración en calidade de investigados a dous veciños do municipio ourensán de Laza por agredir a unha conveciña tras unha discusión por un conflito cunha leira.
Segundo informou o Instituto Armado, tomou declaración en calidade de investigados a C.G.V., de 59 anos, e a E.C., de 51 anos, con domicilio en Laza, como presuntos autores dun delito de lesións tras insultar e agredir a unha convenciña despois dunha discusión por un conflito cunha leira, á que causaron un hematoma no brazo dereito.
As dilixencias instruídas foron remitidas ao Xulgado de Instrución número 1 de Verín (Ourense).
CARTEIRA
Por outra banda, a Garda Civil de Verín tomou declaración ás 22,30 horas deste martes, en calidade de investigado, a R.S.X., de 43 anos e veciño de Verín como presunto autor dun delito de furto.
Iso responde a unha denuncia presentada esa mesma tarde por unha veciña da localidade, na que manifestou que o investigado subtraeulle a carteira, que contiña 150 euros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.