Por Galicia Confidencial | SANTIAGO DE COMPOSTELA | 04/04/2019 | Actualizada ás 15:10
Os traballadores de Ferroatlántica demandaron un "marco enerxético estable" que lles permita reactivar os fornos e ser competitivos no sector da industria electrointensiva Así o manifestou, en declaracións aos medios, o portavoz do comité de empresa de Ferroatlántica en Sabón, Francisco Branco, tras manter unha reunión cos candidatos de En Común-Unidas Podemos Yolanda Díaz e Antón Gómez-Reino, quen se achegou ata a fabrica, situada no Polígono de Sabón (Arteixo) para comprobar in situ a produción da mesma.
"Necesitamos un marco enerxético estable, con prezos competitivos", dixo o representantes dos traballadores, mentres que os candidatos de En Común-Unidas Podemos coincidiron en criticar a " inacción" do Goberno central co sector industrial. Un sector que "necesita solucións inmediatamente", apunta Gómez-Reino.
Por iso, emprazou ao Goberno a que teña "un horizonte industrial real" para esta planta de Ferroatlántica, un empresa onde "se están elaborando diferentes patentes que se exportan por todo o mundo".
COMPETIR CO RESTO DE EUROPA
Díaz, pola súa banda, denunciou a postura do Goberno que, a diferenza de Alemaña, Francia ou Italia, "non define un prezo da enerxía industrial que sexa estable, certeiro e competitivo" "Este Goberno non quere enfrontar as eléctricas porque ten xente nos seus consellos de administración", sinalou Yolanda Díaz, que considera que o estatuto electrointensivo exposto polo Goberno "non serve para nada". "É unha proposta para dicir que se fai algo pero non se fai nada", engade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.