Lídia Senra, preocupada pola sorte dun profesor indio preso por defender os dereitos humanos

A eurodeputada galega Lídia Senra trasladou á Alta Representante da Unión Europea e vicepresidenta da Comisión Europea, Federica Mogherini, a súa preocupación pola negativa do Tribunal Supremo da cidade india de Nagpur a conceder a liberdade baixo fianza ao profesor universitario GN Saibaba.

Segundo explica nun comunicado de prensa, este profesor está no cárcere por avogar publicamente a favor dos dereitos dos pobos adivasis e dalits e por denunciar a 'Operación Green Hunt'.

A carta enviada este venres por Senra dá continuidade ao diálogo aberto con Mogherini desde o ano 2016 respecto diso da represión contra defensores de dereitos humanos na India.

Lidia Senra | Fonte: Arquivo Galicia Confidencial