Pontevedra e A Coruña terán este martes aviso por choivas e ondas
As choivas poden deixar máis de 40 litros por metro cadrado.
Por Europa Press / Redacción | SANTIAGO DE COMPOSTELA | 09/04/2019 | Actualizada ás 09:32
A provincia de Pontevedra e o suroeste da Coruña terán este martes aviso amarelo por choivas persistentes que poden deixar máis de 40 litros por metro cadrado e no litoral atlántico por ondas de máis de catro metros.
Segundo o Boletín de tempo meteorolóxico con avisos publicado por Meteogalicia, recollido por Europa Press, este 9 de abril ata as 9,00 horas o suroeste da provincia da Coruña e a provincia de Pontevedra terán aviso amarelo por choivas localmente superiores aos 40 litros por metro cadrado.
Mentres, o litoral de Pontevedra e o da Coruña terán aviso amarelo durante toda a xornada do martes por ondas do oeste entre catro e cinco metros.
