O transporte de residuos sólidos urbanos de Sogama comeza este luns unha folga indefinida
Traballadores denuncian a "precarización" das condicións laborais e o despedimento de oito empregados
- Conflicto en SOGAMA: denuncian dous anos de precarización e ameazas no transporte de lixo por estrada
- Denuncian “manipulación” e “maquillaxe” nos datos da xestión de residuos de Sogama
Por Europa Press / Redacción | SANTIAGO DE COMPOSTELA | 15/04/2019 | Actualizada ás 11:02
Os traballadores do servizo de transporte de residuos sólidos urbanos de Sogama comezaron este luns unha folga indefinida ante a "precarización" das condicións laborais.
Representantes do comité de folga de Transportes Pacholo S.L., empresa que se encarga do transporte deste tipo de residuos (domésticos e urbanos), rexistraron a convocatoria de folga a semana pasada tras unha asemblea con 60 votos a favor e ningún en contra, segundo informou a CIG nun comunicado.
O sindicato censurou que Transportes Pacholo despediu a oito traballadores en resposta ás denuncias de acoso laboral que os empregados realizaron durante meses. Con todo, a CIG sostén que "esta non é unha decisión de Transportes Pacholo", senón que "os culpables están máis arriba". Sinala en concreto "a Copasa, Sogama e ao propio Partido Popular, que foi quen deseñou o un modelo de subcontratas que precariza as condicións laborais á conta dun peor servizo para repartirse os beneficios".
