Parte do litoral galego manterá este venres o aviso laranxa por ondas de máis de cinco metros
As zonas máis afectadas serán o as Rías Baixas, a Costa da Morte e a Mariña lucense.
Por Europa Press / Redacción | SANTIAGO DE COMPOSTELA | 26/04/2019 | Actualizada ás 09:34
Parte do litoral galego manterá este venres ata a tarde o aviso laranxa por ondas de máis de cinco metros, tras o que pasará a amarelo o resto da xornada.
Segundo o Boletín de tempo meteorolóxico con avisos publicado por Meteogalicia, recollido por Europa Press, a situación irá mellorando rápido en terra durante esta xornada, pero as ondas manteranse aínda por enriba dos catro metros no litoral.
Deste xeito, ata as 15,00 horas o aviso será laranxa nas Rías Baixas, Costa da Morte e noroeste da Coruña por mar combinado do oeste con ondas de cinco a sete metros.
A partir das 15,00 horas nesas zonas o aviso pasará a amarelo polo resto da xornada por mar combinado do oeste con ondas de catro a cinco metros de altura.
Mentres, na Mariña luguesa o aviso será amarelo ata as 18,00 horas deste venres por mar combinado do noroeste con ondas de catro a cinco metros de altura, tras o que nesta zona do litoral concluirá o aviso.
