Por E.P. | SANTIAGO DE COMPOSTELA | 10/05/2019 | Actualizada ás 21:24
A portavoz nacional do BNG, Ana Pontón, situou a Pontevedra como "paradigma" do modelo municipal dos nacionalistas, nun mitin xunto ao alcalde e candidato Miguel Anxo Fernández Lores.
Pontón mostrou o "orgullo" de liderar un Bloque que se presenta ás municipais "cos deberes feitos" e cun modelo "de éxito" que quere estender por Galicia.
"Temos un modelo municipal que funciona, onde gobernamos melloramos a vida das persoas, con concellos honestos, libres de corrupción, que saben xestionar cada euro, exemplos de democracia participativa, feministas e sustentables", destacou.
Pola súa banda, Lores fixo balance do mandato do seguinte modo: "No rural, no urbano, nos barrios, nos servizos, nas dotacións, nas infraestruturas, na dinamización cultural, social e deportiva, na proxección exterior da cidade, este foi claramente o mandato máis frutífero desde que teño recordo da política municipal".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.