Como aprender a pilotar un dron
O Real Aeroclub de Santiago adapta a súa formación formativa tamén ao futuro dos avións non tripulados.
Por Galicia Confidencial | Santiago de Compostela | 14/05/2019 | Actualizada ás 09:00
O Real Aeroclub de Santiago pon en marcha un Curso Avanzado Semipresencial para pilotos de Drones. Un curso que conta, ademais, co visto e prace da Axencia Estatal de Seguridade Aérea (AESA), que é a que regula o ensino aeronaútica e o uso de aeronaves para o seu uso profesional.
Ata agora, só un centro galego, na comarca do Deza era o único autorizado a realizar estes cursos, pero sen contar con instalacións aeroportuarias. Por iso, o Real Aeroclub de Santiago sacou esta nova formación que complementa a de pilotaxe de avións.
Fundada en 1947, esta escola de voo formou a centos de pilotos que obtiveron a súa licenza, ben como afección ou porque fixeron da súa paixón a súa carreira profesional e hoxe voan nas máis prestixiosas liñas aéreas internacionais. Máis informacións dos cursos na nova web do Aeroclub.
