Caballero defende que o cambio na Coruña só ten unhas siglas e unha candidata: "o PSOE e Inés Rei"
"Témoslle que pedir a todos os coruñeses que votaron ao PSOE o pasado 28 de abril que non queden en casa e non confundan o voto", indica.
Por E.P. | A CORUÑA | 14/05/2019 | Actualizada ás 14:37
O secretario xeral do PSdeG, Gonzalo Caballero, defendeu este martes que o cambio na Coruña "só ten unhas siglas e unha candidata", as do Partido Socialista e a súa candidata á Alcaldía da cidade, Inés Rey.
Nun comida mitin celebrada na cidade herculina e que contou coa participación do presidente do Goberno, Pedro Sánchez, o xefe de filas dos socialistas galegos asegurou que o PSdeG "vai saír a xogar con toda a forza" e "impulso" tras as eleccións do pasado 28 de abril, nas que os socialistas foron "primeira forza" nas sete cidades galegas.
"Témoslle que pedir a todos os coruñeses que votaron ao PSOE o pasado 28 de abril que non queden en casa e non confundan o voto", manifestou para asegurar que "para facer progreso en Galicia" é necesaria unha "A Coruña con líderes".
