O candidato do BNG á Alcaldía de Ourense apela a "converter a corrente de simpatía en apoio electoral"
Luis Seara chama a "concentrar o voto nacionalista e inconformista" na súa formación como "garantía de futuro para a cidade" de Ourense.
Por E.P. | OURENSE | 26/05/2019 | Actualizada ás 13:06
O candidato do BNG á Alcaldía de Ourense, Luis Seara, apelou este domingo a votar para "converter a corrente de simpatía en apoio electoral".
Seara acudiu ás 12,00 horas a votar ao CEIP Inmaculada de Ourense acompañado por simpatizantes e militantes da organización nacionalista, informou o Bloque, e animou a participar pola "gran importancia" destes comicios para o Concello da cidade das Burgas.
Así, chamou a "concentrar o voto nacionalista e inconformista" na súa formación como "garantía de futuro para a cidade" de Ourense. Ademais, destacou o seu desexo de "recuperar a voz que a cidadanía perdeu durante este catro anos".
Por iso, insistiu en que nas eleccións deste domingo decídese se a xente quere continuar "na parálise" ou, pola contra, mirar "cara ao futuro". "É necesario que a xente volva confiar no BNG e concentre o voto na casa común do nacionalismo", concluíu.
