Por Europa Press / Redacción | SANTIAGO DE COMPOSTELA | 26/05/2019 | Actualizada ás 17:10
A Asociación Área Empresarial do Tambre (AAET) inaugurará este luns 27 de maio a exposición de pintura 'Auga de ceo', da fotógrafa María Porta que está composta por trece obras fotográficas.
O acto celebrarase ás 20,00 horas no Centro Empresarial do Tambre e contará coa presenza da artista e o fotógrafo Xoán Diéguez, que co-presentará o evento como comisario da exposición e membro da xunta directiva da asociación empresarial Manuel Neto. A exposición estará aberta ao público ata o próximo 21 de xuño.
A mostra está composta por trece fotografas, todas impresas en lenzo de algodón de tamaño 80 cm. x 53 cm. Ademais, haberá outras dez fotografías de tema mariño. María Porta explicou que "se trata dunha pequena selección de instantes de vida contemplados con embobada fascinación a través ou en compañía de auga caída do ceo".
Ademais, sinalou que as instantáneas mostran "pingas de choiva firmemente aferradas a un cristal ou xa rendidas, deslizándose serpenteantes en forma de minúsculos torrentes que acaban fundíndose sobre o transparente colo".
PAIXÓN POLA ESCRITURA
Ademais da fotografía, María Porta tamén se dedica á escritura. En xaneiro publicou 'Contos infantís para adultos', unha recompilación de once relatos breves contados con "frescura, humor e desenfado". Neles trátanse temas como o amor, o odio, a amizade ou a compaixón.
Seguindo coa súa necesidade de compartir o que leva dentro por medio da escritura, esta exposición está acompañada por un libro a modo de catálogo, no que cada foto ten a súa historia ou o que a levou a facela ou escollela.
MARÍA PORTA
María Porta naceu en Monte Alto (A Coruña) hai unha décadas. Estudou letras e humanidades "por devoción e profesión" --estudos e pintura, restauración fotografa e idiomas varios--.
Nun principio foi docente nun centro de ensino, pero desde hai máis de 20 anos traballa como tradutora no sector audiovisual. É responsable da tradución de series, películas e documentais tanto para a Televisión de Galicia como para as distintas cadeas nacionais e internacionais, así como webs e información publicitaria de diversas empresas.
Sempre lle gustou a fotografía, pero hai pouco tempo que mostra a súa obra ao público. Describe a súa fotografía como "transgresora" e non do gusto de todos os fotógrafos "clásicos". Porta considera que utiliza as posibilidades de que lle ofrece a técnica moderna e que "todo vale mentres que o resultado sexa arte, cousa que non sempre se consegue".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.