Por Europa Press / Redacción | A CORUÑA | 07/06/2019 | Actualizada ás 16:54
A candidata socialista á Alcaldía da Coruña, Inés Rey, cualificou de "responsable" a decisión de Marea Atlántica de facilitar a súa investidura na sesión que se celebrará o 15 de xuño para a constitución da nova corporación municipal.
Rey afirma que a postura da Marea Atlántica corrobora "o votado polos coruñeses e coruñesas que maioritariamente apostaron por un executivo de progreso".
"Agradezo o apoio que recibirá o PSOE para encabezar o próximo goberno de María Pita", engade. Por outra banda, subliña que, desde o pasado día 27, iniciaron "conversas" co resto de grupos electos para explicar a súa "idea de futuro para a cidade, de goberno e de proxecto".
"Agora tócanos materializar un goberno que dea a maior estabilidade á cidade co obxectivo de desbloquear os proxectos importantes, xestionar coa maior eficacia os recursos públicos e mellorar os servizos que prestaremos aos cidadáns".
Rey insiste tamén en que non fará unha política de "terra queimada". "Os proxectos que funcionan e que son bos para os coruñeses e coruñesas manteranse e os proxectados que melloren a nosa cidade non se van a paralizar".
Mentres, afirma que aínda é pronto "para falar da estrutura e participación dun goberno posto que o primeiro é dialogar e alcanzar consensos en beneficio da cidade co resto de forzas".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.