Aberto o prazo para solicitar as bolsas de formación práctica no Parlamento de Galicia
A convocatoria está dirixida a persoas con titulacións universitarias obtidas no ano académico 2013/2014 ou posteriores e cada bolsa terá unha duración de doce meses.
- Bolsas para que persoas con discapacidade amosen o seu talento empresarial
- Prácticas: unha vantaxe para o alumnado ou para as empresas?
Por Europa Press / Redacción | SANTIAGO DE COMPOSTELA | 17/06/2019 | Actualizada ás 11:50
O Diario Oficial de Galicia (DOG) publicou este luns a convocatoria pola cal se abre o prazo para solicitar as bolsas de formación práctica no Parlamento de Galicia. As persoas interesadas poderán presentar a súa solicitude a partir deste martes e durante un prazo de quince días.
Así, segundo explicou o Parlamento nun comunicado, convocáronse dúas bolsas de formación en arquivo, biblioteca e documentación, unha en comunicación institucional, dúas en publicacións, unha en recursos humanos e contratación e outra en xestión parlamentaria.
Tamén se convocou unha praza de formación adicional nunha destas modalidades reservada para persoas con discapacidade igual ou superior ao 33%, "co fin de contribuír á súa integración laboral".
Cada unha destas bolsas terá unha duración de doce meses. A convocatoria está dirixida a persoas con titulacións universitarias obtidas no ano académico 2013/2014 ou posteriores.
