Galicia esquiva a vaga de calor

Un total de 38 provincias terán este sábado aviso amarelo, laranxa (risco importante) e sete delas terán aviso vermello (risco extremo) por temperaturas extremas de 42 graos centígrados ou máis, segundo informou a Axencia Estatal de Meteoroloxía (AEMET).

En definitiva, o risco por calor afectará a toda España menos a Canarias, Galicia, Asturias, as cidades autónomas de Ceuta e Melilla, así como as provincias de León, Huelva, Cádiz e Málaga.

O risco extremo afectará a Huesca, Zaragoza, Teruel, A Rioxa, Navarra, Lleida, Tarragona, onde as máximas alcanzarán ou superarán os 42 graos centígrados.

Pola súa banda, terán risco importante por valores de entre 35 e 41 graos centígrados Áraba, Barcelona, Xirona, Cidade Real, Conca, Guadalaxara, Toledo, Ávila, Burgos, Salamanca, Segovia, Soria, Valladolid, Cáceres, Badaxoz, Córdoba, Granada, Xaén, Madrid e Mallorca.

Ademais, terán risco por calor, pero con menor intensidade, ao redor de 35 a 36 graos centígrados, as provincias de Cantabria, Guipúzcoa, Palencia, Zamora, Sevilla, Almería, Murcia, Menorca, Ibiza e Formentera, Castelló, Valencia e Alacante.

As temperaturas serán significativamente altas na Península e Baleares e alcanzarán valores extremos no val do Ebro e outras depresións do nordeste peninsular.

O ceo estará nubrado ou cuberto no norte de Galicia e Asturias, con posibles choivas ocasionais no litoral e intervalos nubrados no resto de Galicia e do Cantábrico.

Tamén se espera nubes de evolución diúrna no interior noroeste da Península e Pireneos e non se descartan algúns chuvascos ou treboadas en Pireneos, e algunha treboada illada e ocasional en zonas de montaña do noroeste.

No resto predominarán os ceos pouco nubrados ou despexados no resto e haberá posibles choivas débiles no norte das illas montañosas de Canarias.

Os ventos soprarán frouxos na Península e Baleares de compoñente norte en Galicia e Cantábrico e de compoñente leste na área mediterránea. En Canarias soprarán os ventos alisios.