A Deputación de Pontevedra inviste 10.000 euros para loitar contra a violencia machista
Por E.P. | SANTIAGO DE COMPOSTELA | 14/07/2019 | Actualizada ás 13:59
A presidenta da Deputación de Pontevedra, Carmela Silva, asinou un convenio coa Federación de Asociacións de Mulleres Rurais de Galicia (Fademur), coa que pretende achegar ás escolas do ámbito rural, actividades relacionadas coa igualdade e a loita contra a violencia de xénero. A iniciativa contará co investimento por parte da institución provincial de 10.000.
Así, tal e como informou a institución provincial nun comunicado, deseñáronse campañas, talleres e accións de formación e sensibilización co obxectivo de xerar actitudes necesarias desde a infancia para adoptar comportamentos máis igualitarios e menos tolerantes con todo tipo de violencias.
O proxecto está dirixido á mocidade da provincia de Pontevedra menor de 16 anos, especialmente aos núcleos rurais máis pequenos. Para iso desenvolveranse accións formativas presenciais, atendendo ás distintas idades e niveis de formación. Esta iniciativa leva a cabo conforme ao Pacto de Estado contra a violencia de xénero que establece a necesidade de realizar accións específicas no rural.
