Reducir un 40% o consumo anual de enerxía, obxectivo da última convocatoria de axudas de Mar ás confrarías
A convocatoria nace para modernizar as instalacións interiores a partir de tecnoloxía led, a incorporación de sistemas de control de aceso ou de regulación dos niveis de iluminación.
- 10.000 sinaturas para pedir a Portos de Galicia que realice obras de seguridade no peirao de Malpica
- O Parque Nacional das Illas Atlánticas contará cun protocolo para casos de contaminación mariña accidental
Por E.P. | SANTIAGO DE COMPOSTELA | 13/08/2019 | Actualizada ás 14:15
A Consellería do Mar convocou axudas destinadas ás confrarías de pescadores destinadas a proxectos de mellora de iluminación nas lonxas. En concreto, destina máis de 250.000 co obxectivo de lograr reducir nun mínimo do 40 por cento o consumo anual nestes emprazamentos.
Así o trasladou a responsable do departamento autonómico, Rosa Quintana, durante unha visita á lonxa de Porto do Son, este martes. A convocatoria nace para modernizar as instalacións interiores a partir de tecnoloxía led, a incorporación de sistemas de control de aceso ou de regulación dos niveis de iluminación.
Quintana valorou, deste xeito, que Galicia de "un paso máis" no que complementa a última partida de axudas á modernización de portos pesqueiros, lonxas e lugares de desembarque, a partir da que se aprobaron 32 subvencións a 26 a confrarías por un importe de 800.000 euros tanto para mellorar a calidade de produtos, elevar o control e a rastrexabilidade dos produtos, entre outros.
Un deles, sinalou, o proxecto da confraría de Porto do Son, que contou cunha achega duns 5.000 euros, a partir dos que levou a cabo unha serie de melloras que lle permitiu aforrar un 75 por cento do consumo eléctrico nesta materia.
