O futuro centro de atención a persoas con discapacidade de Ourense contará con 110 prazas
A previsión da Xunta é que as obras poidan empezar no primeiro cuadrimestre de 2020
Por E.P. | SANTIAGO DE COMPOSTELA | 19/09/2019 | Actualizada ás 18:50
O Goberno galego deu luz verde a un investimento de 8 millóns de euros que servirá para conseguir "unha mellora histórica" na atención ás persoas con discapacidade da provincia de Ourense. Así, autorizou o contrato de construción do Centro de Atención ás Persoas con Discapacidade, que contará con 110 prazas.
O obxectivo, defende a Xunta, é que esta actuación responda as expectativas e ás necesidades das persoas con discapacidade da provincia de Ourense e das súas familias. Por iso, precisou que se modificou o emprazamento previsto inicialmente en Mariñamansa para decantarse polo barrio de Barrocás.
AUMENTO DAS PRAZAS
Así mesmo, aumentouse o seu tamaño, das 80 prazas propostas ao principio do proxecto ata as 110 coas que contará agora (80 de residencia e 30 de centro de día). Deste xeito, a oferta pública de atención á discapacidade que se pon a disposición de Ourense aumentará nun 35 por cento, ata as 426 prazas.
No que respecta aos prazos, a previsión da Xunta é que as obras poidan empezar no primeiro cuadrimestre de 2020.
