Un explorador de National Geographic visita Galicia para concienciar da "importancia dos océanos"

O biólogo mariño e explorador de 'National Geographic' Manu San Félix visitará Galicia este mes de novembro para concienciar a escolares da comunidade sobre "a importancia dos océanos".

En concreto, San Félix estará este mércores e xoves en Vilagarcía de Arousa e Pontevedra, convidado polos respectivos concellos e por Ferrovial Servizos, para falar cos alumnos do CEIP O Piñeiriño, do IES Sánchez Cantón e do Colexio Nuestra Señora de los Dolores.

O obxectivo é transmitir á mocidade "a importancia de coidar, preservar e protexer os mares" e "protexelos da propia actividade humana", así como "facerlles ver o importante papel que xogan" para a vida e a sociedade.

'Coidemos os nosos mares polo cambio climático' será o tema sobre o que virará a visita de dous días a Galicia de Manuel San Félix, quen tamén impartirá en Vilagarcía e Pontevedra dúas conferencias abertas a todos os interesados en coñecer como protexer o medio ambiente mariño. Antes das súas conferencias será proxectado o documental de National Geographic 'Salvemos el Mediterráneo', presentado e dirixido polo propio biólogo mariño.

A visita de Manuel San Félix aos centros educativos irá acompañada dunha exposición de fotografías mariñas realizadas polo explorador. Os alumnos de tamén poderán ver o documental e, como colofón, o biólogo impartirá unha charla.