A Universidade da Coruña ofrece axudas de matrícula a refuxiados de zonas de conflito
As axudas son para aqueles que viron interrompidos os seus estudos universitarios por causas da guerra, conflitos ou desastres naturais.
Por Europa Press / Redacción | A CORUÑA | 12/11/2019 | Actualizada ás 20:12
A Universidade da Coruña (UDC) ofrece desde este curso dúas axudas de matrícula a refuxiados que proveñan de Siria ou doutras áreas declaradas pola ONU como zonas de conflito.
Estas axudas son para aqueles que viron interrompidos os seus estudos universitarios por causas da guerra, conflitos ou desastres naturais, segundo informa o reitorado coruñés.
A acción é froito dun convenio de colaboración coa Cruz Vermella. O programa permitiu xa a incorporación de dúas estudantes venezolanas que iniciaron os seus estudos na Universidade da Coruña este curso.
A Oficina de Cooperación e Voluntariado da UDC será a responsable de canalizar este programa de axudas xunto con Cruz Vermella.
