Temas: SANGUE DOAZóNS

As reservas do grupo sanguíneo 0+ atópanse baixas en Galicia

ADOS lembra que para poder atender as necesidades dos centros sanitarios galegos son necesarias 500 doazóns de sangue cada día.

Por E.P. | SANTIAGO DE COMPOSTELA | 20/11/2019 | Actualizada ás 16:18

Comparte esta noticia

As reservas do grupo sanguíneo Cero positivo (0+) atópanse con nivel baixo en Galicia, mentres que as de Cero negativo (0-), A negativo (A-) e A positivo (A+) permanecen normais, segundo a información facilitada este mércores pola Axencia de Doazón de Órganos e Sangue (ADOS).

En concreto, ADOS lembra que para poder atender as necesidades dos centros sanitarios galegos son necesarias 500 doazóns de sangue cada día, polo que subliña a importancia de acudir a doar de todos os grupos sanguíneos.

Co fin de facilitar a doazón, este luns, 25 de novembro, ADOS desprazará unidades móbiles aos municipios coruñeses de Moeche --diante do Consistorio--, A Laracha --Praza do Concello--, A Coruña --barrio de Elviña-- e Santiago --Área Central--.

Tamén o luns haberá unidades móbiles de ADOS na localidade luguesa de Xove --fronte ao Consistorio--; así como nas ourensás do Irixo --Praza do Concello-- e San Cristovo de Cea --Praza Maior--.

Ademais, enviaranse unidades móbiles para facilitar a doazón aos concellos pontevedreses de Cuntis --Praza do Concello--, Baiona --entrada ao Parador-- e Cambados --xunto ao centro de saúde--.

Doazón de sangue na área sanitaria de Pontevedra e O Salnés. XUNTA
Doazón de sangue na área sanitaria de Pontevedra e O Salnés. XUNTA

Temas: SANGUE DOAZóNS
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta