Temas: BLUE STAR ARES MAR

A extración de fuel do 'Blue Star' provoca unha vertedura ao mar

Os partidos ambientalistas xa alertaran desta posibilidade.

Por Europa Press / Redacción | SANTIAGO DE COMPOSTELA | 02/12/2019 | Actualizada ás 13:56

Comparte esta noticia

O proceso de retirada da mestura de fuel e gasóleo que permanece nun depósito da proa do buque 'Blue Star', na costa das Mirandas, en Ares, sufriu un pequeno vertido sobre as 11,00 horas deste luns, 2 de decembro, cando unha das mangueiras que transporta o combustible entre o tanque de popa e proa rompeu. 

Como consecuencia deste incidente produciuse unha vertedura duns "catro metros cadrados sobre o mar, despregándose de inmediato barreiras absorbentes", tal e como detallou o alcalde de Ares, Julio Iglesias, en declaracións a Europa Press.

Ademais, apuntou que "as ondas iniciaron o traslado desta mancha, que está a ser tratada con material absorbente por unhas embarcacións pequenas", manifestou o rexedor.

A pesar deste incidente, unha vez liquidado o contratempo, "os traballos continúan". "Enfrontámonos agora á zona máis difícil, a parte inferior do depósito, onde hai moita densidade e iso provoca atascos nas mangueiras", abundou o rexedor aresano.

Tamén destacou que "todos os dispositivos están plenamente operativos", incluídos os medios para actuar en caso que se poida producir algún outro vertedura. As tarefas retomáronse con chegada do día, nesta terceira xornada, desde aproximadamente as 8,30 horas deste luns.

Zona da vertedura do 'Blue Star'.. CEDIDA/JULIO IGLESIAS / Europa Press
Zona da vertedura do 'Blue Star'.. CEDIDA/JULIO IGLESIAS / Europa Press

Temas: BLUE STAR ARES MAR
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Alienao

E o Cumio do Clima, no Ifema e sen calefacción. Mecachislamar salá!