A Feira do Cocido de Lalín será promocionada no mundo enteiro

Será declarada Festa de Interese Turístico Internacional.

Por Europa Press / Redacción | SANTIAGO DE COMPOSTELA | 23/01/2020 | Actualizada ás 18:52

Comparte esta noticia

'A Feira do Cocido de Lalín' será recoñecida como festa de Interese Turístico Internacional en próximas datas. Así llo trasladou este xoves a secretaria de Estado de Turismo, Osabel Oliver, ao titular de Cultura, Román Rodríguez, e ao alcalde do municipio, José Crespo.

Esta distinción supón o máximo recoñecemento que se pode alcanzar neste ámbito e, neste caso, tratarase da primeira festa gastronómica en logralo en todo o Estado, unha tradución que se remonta a máis de 50 anos na comarca do Deza.

Deste xeito, a declaración suporá a culminación dun proceso que a Xunta vén apoiando nos últimos anos e que ocupa un lugar destacado no modelo turístico galego, a enogastronomía, que conta coa súa propia folla de ruta a través da iniciativa 'Galicia Sabe'.

O rexedor municipal agradeceu o recoñecemento trasladado pola responsable estatal e asegurou que desde o Concello se senten "moi orgullosos desa honra" tras "moitos anos traballando pola internacionalización do Cocido".

A Xunta comprometeuse a traballar para que a Feira do Cocido de Lalín sexa Festa Nacional. XUNTA DE GALICIA
A Xunta comprometeuse a traballar para que a Feira do Cocido de Lalín sexa Festa Nacional. XUNTA DE GALICIA

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta