A Rúa tamén sae á rúa para pedir melloras na atención primaria e no Hospital de Valdeorras
A manifestación percorrerá o vindeiro sábado as rúas da localidade e concluirá diante do concello.
Por Europa Press / Redacción | OURENSE | 29/01/2020 | Actualizada ás 14:58
A Plataforma Sanitaria da Rúa (Ourense) convocou para este sábado, día 1 de febreiro, ás 16.30 horas, unha manifestación para reclamar melloras na atención primaria da zona e no Hospital Comarcal de Valdeorras.
A convocatoria prodúcese tras un ano no que o grupo se concentrou todos os luns ante o Centro de Saúde da Rúa para solicitar a construción dun novo, así como melloras na atención primaria.
Agora, e en colaboración coa Plataforma Sanitaria Valdeorras, decidiron estender as súas protestas a toda a comarca para reclamar, non só un novo centro de saúde na Rúa, se non melloras no hospital comarcal. A manifestación percorrerá as rúas da localidade e concluirá diante do concello.
