Miles de persoas toman Santiago ao berro de 'Feijóo dimisión' por unha sanidade de calidade

PSdeG, BNG, Común da Esquerda e En Marea mostran unidade fronte a "unha Xunta que fai oídos xordos" ao "clamor popular".

Por Europa Press / Redacción | SANTIAGO DE COMPOSTELA | 09/02/2020 | Actualizada ás 12:47

Comparte esta noticia

Preto de 10.000 persoas manifestáronse este domingo na capital de Galicia en contra da "deterioración" e "desmantelamento" da sanidade pública galega que implantou "o Goberno de Feijóo en once anos de mandato".

Manifestación convocada por SOS Sanidade Pública en Santiago de Compostela.
Manifestación convocada por SOS Sanidade Pública en Santiago de Compostela. | Fonte: Europa Press

A berro de: 'Feijóo escoita, Galiza está en loita'; a manifestación convocada por SOS Sanidade Pública partiu da Alameda e foise estendendo polas rúas máis céntricas de Compostela ata acabar na Praza da Quintana. Mentres a cabeza da protesta chegaba ao momento de destino, os últimos manifestantes estaban a saír do parque santiagués. 

Cidadanía, asociacións, organizacións sindicais e todos os partidos políticos da oposición no Parlamento de Galicia mostráronse "unidos" fronte a unha "Xunta que fai oídos xordos ao clamor popular", que este domingo se fixo notar na rúa de forma masiva, pero que se reivindica cada semana en diferentes puntos de Galicia fronte a centros de saúde e hospitais comarcais.

Moitos son os motivos que trouxeron a estes miles de galegos e galegas a Santiago nesta xornada de manifestación. No entanto, a todos os une "a dignidade e os dereitos para as persoas" que demandan ao Goberno galego en materia de sanidade, un "dereito universal" que debe estar "garantido", ser "accesible, eficaz e equitativo" en calquera parte do territorio.

As reivindicacións para A Estrada, Dozón, A Rúa, Costa da Morte, A Mariña ou Lalín estiveron presentes nos centos de pancartas que portaban os protestantes. Con todo, o baluarte e "mellor exemplo" da mobilización estivo protagonizado por Verín.

VERÍN, O BALUARTE DA MANIFESTACIÓN

'Verín non se pecha' foi un dos lemas máis repetidos e que soou con máis forza na Praza da Quintana, onde se leu un manifesto no que SOS Sanidade Pública aseguraba que esa concentración se facía eco "de todos os territorios aos que se lles están negando os seus dereitos".

A decisión da Xunta de pechar o paridoiro do Hospital Comarcal de Verín e suprimir o servizo de urxencias pediátricas nese centro en decembro espertou a desconformidade da veciñanza de Monterrei, que protagonizou mobilizacións que superaron a esfera autonómica e chegaron á opinión pública a nivel nacional.

A Consellería de Sanidade argumentou distintos motivos para explicar o peche dese paridoiro, pero finalmente deu marcha atrás e reabriu o servizo o pasado 3 de febreiro. No entanto, a plataforma SOS Sanidade Pública tacha esta situación de "discriminación ao rural", unha máis que se suma ás doutros concellos que viron minguados os servizos de Atención Primaria, Urxencias ou dos Puntos de Atención Continuada.


A OPOSICIÓN MÓSTRASE UNIDA

En canto aos partidos da oposición, estes uníronse baixo una mesma causa: a defensa da sanidade pública de calidade. Entenden este servizo como un dos "alicerces" de calquera Goberno e así o trasladaron ao Parlamento galego en diversas ocasións nos últimos tempos a través de iniciativas parlamentarias que foron rexeitadas polo PPdeG.

De feito, a sanidade converteuse no cabalo de batalla das últimas sesións de control ao presidente que se celebraron no Pazo do Hórreo. Respecto del, tanto PSdeG, como BNG, Grupo Común da Esquerda e En Marea coincidiron en que a convocatoria deste domingo "marca o fin de Feijóo ao mando da Xunta de Galicia".

Gonzalo Caballero (PSdeG) sostén que "nestes últimos meses" anteriores ás eleccións autonómicas, a cidadanía e a oposición manterán "o pulso" a un Goberno popular cheo "de erros e fracasos".

Neste sentido, Montse Prado (BNG) tachou de "balance demoledor" os once anos de mandato de Núñez Feijóo, que "deixan menos e peor sanidade pública mentres reforza a sanidade privada". Lembrou os 200 concellos que se atopan sen servizo de pediatría, a "destrución aos poucos" dos hospitais comarcais e os 142 millóns de euros menos dedicados a Atención Primaria nos Orzamentos de 2020 da Comunidade.

Fronte a estes feitos, Eva Solla (Grupo Común da Esquerda) ten claro que este acto reivindicativo deixa dúas mensaxes. "Os galegos e galegas dixeron que xa basta de recortes" e que existe "unha unidade de toda a oposición fronte ao Goberno do PP" que traballará para "eliminar á dereita nas próximas eleccións".

A mesma reflexión realizouna Luís Villares (En Marea), quen definiu a situación do actual xefe de Goberno como un líder "derrotado" despois de "maltratar" a sanidade e o rural galego.

SOS SANIDADE

Pola súa banda, o presidente de SOS Sanidade Pública, Manuel Martín, asegurou que a súa plataforma "só se move polo afán de mellorar a sanidade pública" e non por ningún "interese partidista".

En calquera caso, considera que "a política neoliberal" e "as accións do PP baseadas na falsidade e o engano" son "incompatibles" cun sistema de "calidade" como o que defenden. Non nega o factor político da manifestación, "todo nesta vida é política", pero asegura que non é "cuestión de partidismo" e desde a súa organización están "dispostos a falar co Partido Popular".

Piden ao Executivo autonómico que non continúe "transformando o sistema sanitario" nunha "oportunidade de negocios para as empresas multinacionais e os fondos de investimento". Ao mesmo tempo que denuncian a "perda de calidade, capacidade resolutiva dos centros de saúde" e a "conxestión de urxencias hospitalarias".

Tamén urxen "ofertar prazas de medicina familiar, pediatría, enfermaría, psicoloxía, fisioterapia, logopedia ou terapia ocupacional" entre outras prazas para facilitar un "servizo de Atención Primaria Integral".

No referente ás condicións laborais dos traballadores, SOS Sanidade Pública entende que os sanitarios sofren "precariedade e contratos lixo" por culpa dunhas "xerencias politizadas e irracionais". Estas, entre outras, foron as reivindicacións máis sinaladas dunha xornada marcada "polo clamor" nas rúas, que non temeu "ao mal tempo" e que confía no "poder das reivindicacións populares".

Manifestación en defensa da sanidade pública galega convocada por SOS Sanidade Pública, en Santiago de Compostela (Galicia) a 9 de febreiro de 2020. Álvaro Ballesteros - Europa Press
Manifestación en defensa da sanidade pública galega convocada por SOS Sanidade Pública, en Santiago de Compostela (Galicia) a 9 de febreiro de 2020. Álvaro Ballesteros - Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 11 comentarios

6 Dr Bacterio

Estiven alí e volverei cantas veces sexa preciso e nin de coña me move a UPG

5 Daniel F. Noquerol

10.000 personas....Díficil de creer, aunque ya estamos acostumbrados a que el BNG presuma de meter 30.000 manifestantes cada verano en los 2.500 metros cuadrados de la Plaza de la Quintana. En resumen, un día de trabajo para los liberados sindicales y sus parientes, que tuvo la ventaja de haber animado la hostelería compostelana en unas fechas difíciles para el turismo.

1 Sentidiño

Moita xente que estivo aí votarán o que lles pete, menos PP. Hai vida fóra do Bng, pero os pijofachas ven "bloqueiros" por todas partes...

2 Alienao

Para a vindeira manifestación vas ti e cóntalos!

4 Www

Empeza a campaña electoral

3 Sentidiño

Dez mil persoas manipuladas pola upg? Estas persoas son as mesmas que levan 43 meses consecutivos a protestar ( https://www.noticiasvigo.es/43-a-ma.... Vostede ónde estivo?

1 Memoria de Elefante

A UPG non convocou 10.000 persoas nin nos seus millores tempos no ano de mari castaña. Onte limitouse a que uns cantos liberados colocaran unhas bandeiriñas nos lugares estratéxicos, como fai sempre.

2 Alienao

Comentarios típicos de analfabetos funcionais, colonizados e sen ánimo de descolonizarse

2 cachamuíña

Home! Despois de 11 ANOS de desfeita, resulta que os iluminados de sempre e os interesados de hai pouco, caen na conta do conto do desmantelamento da sanidade. O certo é que dende hai uns meses e a medida que se albiscan as eleccións, os partidos de esquerda (básicamente BNG) e a súa correa de transimisión sindical, a Ciga, andan a enredar coa teima da saúde (asunto moi sensible cara á sociedade) para ver si así conseguen desgastar ao PP e botar a Feijóo. É de agardar que a xente non se deixe manipular polos nacionalistas e os comunistas, porque daquela sí que se produciría unha desfeita social, pero non só na sanidade, senon en todas os aspectos da nosa política autonómica

1 McAco

Xente coma ti necesita moita sanidade, pero mental.