O Deportivo na obriga dun concurso de acredores

Facenda embargalle todos os seus ingresos ao Deportivo da Coruña por falta de pagos.

Por David Alonso Cortizo | A Coruña | 07/11/2012 | Actualizada ás 23:46

Este mércores Facenda embargoulle ao Deportivo todos os seus ingresos entre outros os de taquilla, patrocinio e os dereitos audiovisuais.

A débeda recoñecida polo clube da cidade herculina ascende ata os 34 millóns e o clube prepara xa un concurso de acredores.

Pizzi xogador do Deportivo pide calma e avoga por dar un voto de confianza a directiva mentres fala de defender as cores e facer ao seu traballo.

Débedas

Aos de Coruña tócalles vivir o mesmo que en 2008 tocoulles vivir aos seus veciños do Celta de Vigo que acabaron saíndo do concurso de acredores. Equipos como Betis ou Rayo Vallecano compiten con normalidade na primeira división pese a atoparse inmersos no concurso de acredores.

En tempos de crise vese que a Facenda pública esperta e comeza a perseguir aos equipos para que salden as súas débedas co estado. Ben sabido é que o presidente do goberno, Mariano Rajoy, deulle ordes precisas ao ministro Cristobal Montoro para que os clubs de fútbol paguen as súas débedas.

5 Brión

Veña, outro club de futbol a sanearse cos cartos de todos!

4 Eu mesmo

O Deportivo xa debería estar en concurso de acredores canda o Celta. O problema é que estando en concurso Lendoiro non pode cobrar o 1% do orzamento. Daquela iste señor puxo por diante os seus intereses persoais aos do clube. Chegado xa a unha situación límite, non sería de extrañar que o Deportivo desaparecese pola nefasta xestión de Lendoiro.

1 ffu

Lendoiro cobre o 1% do orzamento porque así o quixeron os socios. Tanto divinizar ó presidente para isto.

2 F. Sanxosé Lemos

Para Lendoiro o problema do concurso non só é deixar de cobrar centos de miles de euros cada ano, senón que a Xustiza (e nós) poderá coñecer o que fixo cos cartos que ingresou o Dépor e tamén preguntar polos cartos que ingresaron outros en prexuicio do Dépor.

3 carballo

O fútbol, ese outro opio do pobo, está ben coma deporte pero tratar os xogadores e directivos como deuses, é demais.Por non falar da peste da "roja". O señor Lendoiro actúa así porque llo paermiten e toleran tamén.

2 Catalan People

Encantaríame velos desaparecer pero safarán coma sempre. E seguirán defendendo ao trileiro que os levou a esta situación, matando ao mensaxeiro, burlándose de equipos en situación mellor cá súa...