Temas: ARTEIXO RESCATE

Rescatado un kitesurfista que foi arrastrado pola corrente na praia de Sabón

Por Galicia Confidencial | Arteixo | 23/05/2020 | Actualizada ás 20:08

Comparte esta noticia

Os servizos Salvamento Marítimo tiveron que rescatar este sábado a un home que practicaba  kitesurf cando foi arrastrado pola corrente na praia de Sabón, no concello coruñés de Arteixo. O 112-Galicia explicou que o kitesurfista se atopou en apertos e por este motivo foi necesaria a intervención de Salvamento Marítimo.

Foi preto das 15,15 horas cando un particular alertou aos servizos de emerxencias que un home estaba a ser arrastrado pola corrente e pedía axuda preto do dique.

Nese momento, os xestores alertaron a Salvamento Marítimo e estes mobilizaron ao helicóptero Helimer e á embarcación Salvamar Betelgeuse. Ademais, informouse o Servizo de Gardacostas de Galicia, aos servidos sanitarios e aos axentes da Garda Civil, por se fose necesaria a súa intervención.

Por terra, formaron parte do dispositivo a Policía Local e os membros de Protección Civil da localidade.  Finalimente, o  kitesurfista foi rescatado ileso polo helicóptero Helimer e evacuado ata o Aeroporto de Alvedro, na Coruña.

Temas: ARTEIXO RESCATE
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta