Por E.P. | A Coruña | 26/07/2020 | Actualizada ás 13:07
Persoal de repartición de Correos de dous distritos da Coruña comezará este luns unha folga parcial, entre as 7,30 e as 9,30 horas, para protestar contra a decisión de non contratar traballadores para cubrir baixas e vacacións, informou o sindicato CXT.
Os empregados da unidade de repartición 3 da Coruña, situada na rúa Entrepeñas, e que dá servizo aos distritos 10 e 11 (Agra do Orzán, Ventorrillo, Peruleiro, Rolda de Nelle e outras zonas) considera que non hai persoal suficiente para prestar o servizo con calidade.
Ademais, o sindicato indicou que, en lugar de facer as contratacións para substituír a quen se atopan de vacacións ou de baixa médica, Correos "indica ao persoal de repartición que, a maiores da súa sección habitual, tense que dirixir a outras seccións non cubertas".
Isto supón "unha sobrecarga de traballo" que, "en moitas ocasións, é imposible de asumir" polos traballadores, que están chamados a unha folga parcial nas dúas primeiras horas da súa xornada, engadiu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.