Sen concretar a docencia universitaria: pode ser presencial ou a distancia en función do virus

O reitor da USC, Antonio López, explicou que xa se perfilaron "as distintas alternativas", para o unicio do curso escolar dado que as cousas "cambian dun día para outro" e se recollen "diversos escenarios". Así, aposta por "manter unha presencialidad segura, con garantías", "coa máxima normalidade", pero avisa de "a ver que pasa de aquí ao 21 de setembro".

E é que, segundo dixo nun encontro coa conselleira de Educación, "depende de se hai un brote nun sitio", aínda que hai "distintos escenarios predefinidos, non é o que pasou en marzo". E, aínda que recoñece que "vai haber dificultades para os centros", confía en "recuperar a normalidade".

Sobre o convenio da Xunta de tres millóns de euros para cubrir as necesidades das universidades pola pandemia, Antonio López sostén que cada universidade o destinará á previsión de destino que contemple máis necesaria, pois "se están xerando uns gastos excepcionais".

Así mesmo, o reitor da UDC, Julio Abalde, relata que se elaborou un plan de continxencia de marco xeral para a universidade coruñesa, mentres "están a terminar todos os centros os seus plans de contixencia propios" para definir como vai ser a docencia.

A continuación, incide que tamén se ten en conta unha resposta a unha posible situación de confinamento total, coas distintas intensidades de formación "híbrida" contrempladas, entre presencial e telemática. Ademais, resalta que están "perfectamente preparados para garantir aos estudantes que van ter unha docencia de calidade", con "unha carga importante de presencialidad".

Este venres, a conselleira de Educación entregou aos reitores da USC e a UDC as mencións de Máster Universitario Excelente a titulacións universitarias oficiais destas institucións.