Nova campaña de boicot a Inditex

A plataforma #BoikotInditex pon en marcha unha nova campaña contra o grupo fundado por Amancio Ortega. Propón etiquetar as prendas das tendas da compañía con lemas como "100% feito por nen@s de 8 anos", "Esta prenda é froito da escravitude" ou "Esta prenda custoulle a Amancio 0,20 céntimos". Vídeo no interior.

Campaña de boicot a Inditex

Por Galicia Confidencial | Santiago de Compostela | 20/03/2013 | Actualizada ás 21:40

A plataforma de boicot ao grupo Inditex (#BoikotInditex) inicia unha nova acción. O colectivo acaba de publicar no seu blog un vídeo que recolle novas accións de presión contra a compañía fundada por Amancio Ortega. Nas imaxes se mostra a un grupo de persoas que etiquetaron as prendas de roupa nunha serie de tendas do grupo, visibilizando o que consideran "as malas prácticas que levan a cabo" en Inditex.

Agora, a plataforma convida aos demais cidadáns a que fagan o mesmo e inicien visitas ás tendas do grupo Inditex e peguen etiquetas como as que se amosan no vídeo sobre as etiquetas oficiais dos produtos da compañía galega. Nesas etiquetas rezan lemas como "Amancio máis rico e nós máis pobres", "Esta prenda está feita por nenas escravas", "100% feito por nen@s de 8 anos", "Esta prenda é froito da escravitude", "Esta prenda custoulle a Amancio 0,20 céntimos" ou "Mercando esta prenda favoreces a explotación laboral", entre outros.

Ademais, o vídeo comeza coa imaxe conxelada de Amancio Ortega e do presidente executivo de Inditex, Pablo Isla, ambos os dous cun naris de paiaso e de fondo o índice da Bolsa de Madrid.

Con esta acción, os membros da campaña de boicot a Inditex queren facer "conscientes" aos clientes das tendas de Inditex de que ao comprar esas prendas "colaboran coas prácticas que o grupo Inditex leva a cabo en todo o mundo, como a explotación, a venda dun modelo de beleza que oprime ás mulleres, etc".

Noticias relacionadas

Campaña de boicot a Inditex

2 Manolo2

Sería más constructivo que los que hacen esta insulsa campaña se dedicasen a montar empresas que mejorasen las presuntas malas condiciones con las que realizan su trabajo los empleados de Inditex. Ya se sabe, todas las fábricas en Galicia - si es que les dejan abrirlas - con 37 horas y media de jornada semanal, 1600 euros de sueldo mínimo, etc. Hala majetes, a dar ejemplo de gestión empresarial.

1 X. Lavandeira

Eses datos son falsos.

1 Arquiveiro

Fail! á xente importalle unha m**** como se faga a roupa de Inditex e o Sr. Ortega cae ben á xente. Síntoo pero non vai dar resultado ningún este boicot.

1 Burgueses ao gulag

Caerá ben aos agañans, aos lambe "ortos", aos escravos agradecidos que son moitos. Eu coñezo persoalmente a Ortega e traballei longo tempo con el, e non me deixo enfeitizar polo seu aspecto bonachón, nin porque xantará conmigo varias veces nos comedores de Inditex. Baixo esa faciana agachase un explotador, que o uneco que lle importa son os beneficios. Non quero lembrar as arteiras maneiras pra facerse cos terreos de Sabón, coa axuda de políticos e das subvencións de administracións, locais, sutonómicas ou estatais, diñeiro público posto nas suas mans pra explotar. Porque de nada me val que digan que quén explota son as subcontratas, porque el é quén saca beneficio e exsten porque a el lle peta. Non vou falar de que se financiara cos narcóticos, porque non teño evidencias, mais teño evidencias e ademais foi recollido varias veces pola prensa, as multiples veces que chegaron contedores cargados de farlopa aos muelles de Sabón.

2 Arquiveiro

O que dis pode ser certo ou non, pero insisto, pregunta nas rúas galegas e a xente mostrarase a favor de Ortega ou indiferente... a min, particularmente, o que faga o Sr. Ortega o como faga os seus cartos non me importa. Vive e deixa vivir. Saúdos