Ethel Vázquez acusa o Goberno central de "falta de orzamento" para a rexeneración da ría do Burgo

A conselleira de Infraestruturas, Ethel Vázquez, acusou ao Goberno central de "falta de orzamento" para a rexeneración da ría do Burgo. Nunha visita a unhas obras na Coruña, a responsable autonómica rexeita que o problema sexa "un mero papel", en referencia á dispoñibilidade dos terreos que esixe o Executivo estatal.

"O problema da rexeneración da ría non pode ser un mero papel", advertiu Vázquez, que reprocha falta de colaboración á Administración do Estado. "Se hai vontade real, búscanse solucións, aténdese ao teléfono e axilízanse reunións", afirmou.

Segundo a conselleira, a demora dos trámites para iniciar as obras na ría do Burgo responde a outra cuestión. "Esta actitude do Goberno España fainos pensar que o problema real é máis grave e que é a falta de orzamento para o dragado", finalizou.

Arco Iris pide que se aplace el dragado de la Ría de O Burgo